Элсэлтийн шалгалтын бүртгэл өчигдрөөс орон даяар эхэлж байна. Энэхүү шалгалттай холбоотой Боловсролын сайд П.Наранбаяр тушаал гаргасан талаар мэдээллээ. Тэрээр "2026 оноос өөрчлөгдөх байсан элсэлтийн шалгалтын журмын хэрэгжилтийг бид 2028 оныг хүртэл хойшлуулахаар болсон. Хоёрдугаарт, 10  дугаар ангид орсон хүүхэд монгол хэлний босго шалгалтыг өөрийн боломжтой хугацаандаа өгдөг байхаар шийдвэрлэсэн. Ийн хүүхдэдээ ээлтэй байдлаар шийдэж байна. Сургалтын агуулга, сурах бичгээ шинэчлэх хүртэл элсэлтийн шалгалт хуучин журмаараа явах нь ээ" гэв.

Сануулахад 2026 оноос элсэлтийн шалгалтын бүтэц, зохион байгуулалтыг суралцах чадварын шалгалт, ур чадварын шалгалт, судлагдахууны хоёр түвшинд шалгалт өгөхөөр өөрчлөлт оруулахаар байв.