Үндэсний статистикийн хорооноос гаргасан 2024 оны Монгол Улсын нийгэм эдийн засгийн байдлын үзүүлэлтэд дурдсанаар бэлгийн замын зарим халдварт өвчлөлийн тохиолдол нэмэгдсэн байна. Тухайлбал, улсын хэмжээнд 2024 онд ХДХВ буюу ДОХ-ын 19 тохиолдол шинээр илэрч, нийт бүртгэгдсэн тохиолдол 388 болсон байна. Харин тэмбүүгээр өвчлөгчид нэг мянгаар нэмэгдсэн нь өмнөх жилээс 24,8 хувиар нэмэгдсэн үзүүлэлт юм. Мөн трихомониазаар өвчлөгчид 439 буюу 18 хувь, гонококкт халдвараар өвчлөгчид 431 буюу 12 хувиар тус тус нэмэгдсэн байна.