Баянгол дүүргийн 10 дугаар хороонд 280 хүүхдийн багтаамжтай бага сургууль, цэцэрлэгийн цогцолборын барилгын ажил дуусжээ. Тус барилга нь А, Б, В блок бүхий хоёр давхар бөгөөд бүлэг, багш нар, эмчийн өрөө, спорт заал, урлаг заал, эмчийн өрөө, хувцас солих, гал тогоо, ариун цэврийн өрөө, болон бусад тасалгаанаас бүрдсэн зохион байгуулалттай.

Цогцолборын барилгыг улсын төсвийн хөрөнгө оруулалтаар "Шонхорчин" компани гүйцэтгэж, нийслэлийн Хөрөнгө оруулалтын газар захиалагчийн техникийн хяналтыг хэрэгжүүлэн ажиллажээ.