УИХ-ын гишүүн Б.Энхбаяр 2025 оны төсвийг баталсан арваннэгдүгээр сарын 8-ны өдрийн чуулганы хуралдааны санал хураалтад эргэлзэж буйгаа илэрхийлж буй. Тиймээс УИХ-ын Тамгын газарт тухайн өдрийн ирц болон санал хураалтын мэдээллийг авах хүсэлт гаргасан. Гэвч одоог болтол мэдээлэл ирүүлээгүй байгаа учир тус газрын Ерөнхий нарийн бичгийн дарга Б.Баасандоржийг АТГ-т шалгуулахаар өгчээ. Энэ талаар УИХ-ын гишүүн Б.Энхбаяр цахим хуудастаа "УИХ-ын Ерөнхий нарийн бичгийн дарга нь Төсвийн тухай хуулийг баталсан чуулганы хуралдааны ирц, тухайн өдрийн санал хураалтанд дэмжсэн болон татгалзсан санал өгсөн гишүүдийн нэрсийг өгөхгүй 1 сар эс үйлдлээр татгалзаж, улмаар шаардлага тавиад 7 хоног хэрэгжүүлэхгүй байна.

Иймд Эрүүгийн хуульд заасан “албаны бүрэн эрхээ хэтрүүлэх” албан тушаалын гэмт хэргийн шинжтэй үйлдэл гэж үзэж Авлигатай тэмцэх байгууллагад харьяаллын дагуу шилжүүлж шалгуулахаар шийдвэрлэв" хэмээн нийтэлжээ.