Сэлэнгэ аймгийн Сайхан сумын Засаг дарга Б.Мөнхболд бусдад хууль бусаар газар эзэмшүүлсэн хэргийг шүүхэд шилжүүлжээ. Тодруулбал, тус сумын Засаг дарга Б.Мөнхболд нь эрх мэдэл, албан тушаалын байдлаа урвуулан эхнэр Э.Э-ийн үүсгэн байгуулсан “Э” ХХК болон иргэн Д.Г, М.У нарт хууль бусаар газар эзэмшүүлэх захирамж гаргаж давуу байдал бий болгосон гэх хэрэгт Эрүүгийн хуулийн 22.1 дүгээр зүйлийн 1 /Эрх мэдэл, албан тушаалын байдлаа урвуулан ашиглах/-т зааснаар яллах дүгнэлт үйлдэн Сайхан сум дахь сум дундын шүүхэд тус тус шилжүүлсэн байна.